Poslovne vesti - Makedonija

Евтина тарифа на ЕВН за малите и средните фирми

ЕВН „Снабдување“ за малите бизнис корисници што ќе излезат на слободниот пазар подготвува ценовни продукти со многу поволности.

Ако досега на регулираниот пазар за оваа група се применуваше вториот тарифен степен, низок напон, односно единствена висока цена во текот на целиот ден, на слободниот пазар се создадени услови на фирмите да им се понуди и евтина тарифа на струјата.

„Компанијата оваа можност ја темели на резултатите од извршените анализи за развојот на слободниот пазар за малите бизнис потрошувачи, кои ќе одлучат да излезат на пазарот од 1 јануари 2015 год. „Тоа значи дека покрај намалување на цената на струјата, ЕВН „Снабдување“ ќе понуди и ценовен продукт кој ќе вклучува и ниска тарифа за оваа група на потрошувачи“, вели г. Нико Берберу, менаџер на ЕВН „Снабдување“.

Оваа новина е дел од заложбите компанијата да излезе во пресрет на специфичните барања на сите групи на потрошувачи, поаѓајќи од опциите што ги нуди слободниот пазар на струја. Тимови веќе работат на развој на специјални понуди за малите и средните компании.

„ЕВН на македонскиот енергетски пазар има формирано и две балансни групи, една на слободниот и една на регулираниот пазар, што на компаниите им овозможува дополнителна стабилност“, велат од компанијата.